महाराष्ट्र राज्य सेवा हक्क आयोगाची वेबसाईट :- https://aaplesarkar.mahaonline.gov.in

महाराष्ट्र राज्यातील नागरिकांना शासनामार्फत व शासनाचे अधिनस्त सर्व सार्वजनिक प्राधिकरणांमार्फत दिल्या जाणा-या अधिसूचित सेवा पारदर्शक, गतिमान व विहित कालमर्यादेत देण्यासाठी महाराष्ट्र लोकसेवा हक्क अधिनियम २०१५ पारित करण्यात आला असून तो दि. २८-०४-२०१५ पासून अंमलात आहे. नागरिकांना सुलभ व कालमर्यादेत सेवा मिळाव्यात हे त्याचे उदीष्ट आहे.

वरीलप्रमाणे अधिसूचित सेवा नागरिकांना दिल्या जात आहेत किंवा नाही यावर देखरेख, समन्वय, सनियंत्रण ठेवण्यासाठी व या संदर्भात सुधारणा सुचविण्यासाठी उपरोक्त कायद्यान्वये महाराष्ट्र राज्य सेवा हक्क आयोग गठीत करण्यात आला असून आयोगामध्ये एक मुख्य आयुक्त व सहा आयुक्त कार्यरत आहेत. आयोगाचे मुख्यालय नविन प्रशासकीय भवन, मंत्रालयासमोर, मुंबई येथे असून सहा विभागातील मुख्यालयाच्या ठिकाणी आयुक्तांची कार्यालये आहेत.

पात्र नागरीकांना विहित वेळेत सेवा न मिळाल्यास अथवा नियमोचित कारणाशिवाय ती नाकारल्यास अशा निर्णयाविरुध्द संबंधितांना वरीष्ठांकडे प्रथम व व्दितीय अपिल करता येते व तरीही समाधान न झाल्यास आयोगाकडे तृतीय अपिल करता येते. कसूरदार अधिका-यास प्रतिप्रकरण रु.५०००/- पर्यंत दंड होऊ शकतो.

अ. क्र. माहितीचा तपशील
1 महाराष्ट्र लोकसेवा हक्क अधिनियम, २०१५ -शासन निर्णय क्रमांक संकीर्ण-०९२४/प्र.क्र.३२/न.वि.-३२, दिनांक २७ नोव्हेंबर २०२४ जाहीर करावयाचा लोकसेवेचा तपशील
2 अहिल्यानगर महानगरपालिका-महाराष्‍ट्र लोकसेवा हक्‍क अधिनियम 2015 अंतर्गत देण्‍यात येणा-या विविध सेवा- एकत्रित यादी
3 महाराष्‍ट्र लोकसेवा हक्‍क अधिनियम, 2015 अंतर्गत देण्‍यात येणा-या विविध सेवा
4 महाराष्‍ट्र शासन राजपत्र 20 डिसेंबर 2022 – महाराष्‍ट्र लोकसेवा हक्‍क अध्‍यादेश 2015
5 महाराष्‍ट्र शासन राजपत्र 2 डिसेंबर 2022 – महाराष्‍ट्र लोकसेवा हक्‍क अध्‍यादेश 2015 कलम – 3 अन्‍वये महानगरपालिकेनी जाहिर करावयाचा लोकसेवेचा तपशील
6 सहपत्र “अ” महाराष्‍ट्र लोकसेवा हक्‍क अध्‍यादेश 2015 कलम – 3 अन्‍वये महानगरपालिकेनी जाहिर करावयाचा लोकसेवेचा तपशील